గాడ్ అఫ్ మాసెస్ బాలకృష్ణ డైరెక్షన్ లో అల్లు అర్జున్, రణబీర్ కపూర్ మల్టీస్టారర్ సినిమా..? : నందమూరి బాలకృష్ణ హోస్ట్ గా వ్యవహరించే అన్ స్టాపబుల్ సీజన్ 4 స్టార్ట్ అయ్యింది. ఇప్పటికే పలువురు ప్రముఖులు హాజరు అయ్యారు. అన్ స్టాపబుల్ షో ఆహా ప్లాటుఫారం లో ప్రసారం అవుతుంది. తాజాగా ఐకాన్ స్టార్ అల్లు అర్జున్ అన్ స్టాపబుల్ షో కి రావడం జరిగింది. ఐకాన్ స్టార్ అల్లు అర్జున్ మరియు రణబీర్ కపూర్ పైన పలు ఆసక్తికర వ్యాఖ్యలు చేసిన బాలకృష్ణ. అసలు బాలకృష్ణ గారు ఏం మాట్లాడారు. ఆ విశేషాలు ఏంటో తెలుసుకుందాం.
గాడ్ అఫ్ మాసెస్ బాలకృష్ణ డైరెక్షన్ లో అల్లు అర్జున్, రణబీర్ కపూర్ మల్టీస్టారర్ సినిమా..?
అన్ స్టాపబుల్ షో వరల్డ్ మోస్ట్ పాపులర్ షో గా ఐఎమ్ డిబి వాళ్ళు టాప్ రేటింగ్ కూడా ఇచ్చారు. ఇప్పటికే అన్ స్టాపబుల్ షో మూడు సీజన్లు కంప్లీట్ చేసుకుంది. మూడు సీజన్లు సూపర్ డూపర్ హిట్ అయ్యాయి. అన్ స్టాపబుల్ షో ఆహాలో ప్రసారం అవుతుంది. అన్ స్టాపబుల్ షోకి నందమూరి బాలకృష్ణ హోస్ట్ గా వ్యవహరిస్తున్నారు. అందరు బాలకృష్ణ గారిని ఒక కోణంలోనే చూసేవారు. అన్ స్టాపబుల్ షో వచ్చాక బాలయ్య బాబు అంటే ఏంటో అందరికి తెలిసింది. బాలయ్య బాబు ఏదైనా మొహం మీదే మాట్లాడే మనిషి. బోలా మనిషి. తాజాగా అన్ స్టాపబుల్ షో సీజన్ 4 మొదలు అయ్యింది.
అన్ స్టాపబుల్ షో సీజన్ 4
అన్ స్టాపబుల్ షో సీజన్ 4 లో మొదటగా ఆంధ్రప్రదేశ్ ముఖ్యమంత్రి నారా చంద్రబాబు నాయుడు గారు వచ్చారు. రెండవ ఎపిసోడ్ లో లక్కీ భాస్కర్ మూవీ టీం వచ్చారు. మూడవ ఎపిసోడ్ లో యాక్షన్ స్టార్ సూర్య గారు వచ్చారు. తాజాగా నాల్గవ ఎపిసోడ్ లో ఐకాన్ స్టార్ అల్లు అర్జున్ రావడం జరిగింది. అల్లు అర్జున్ వచ్చిన ఎపిసోడ్ పార్ట్ 1 నవంబర్ 15 2024 వ తేది శుక్రవారం ఆహా ప్లాటుఫార్మ్ లో విడుదల అయ్యింది. ఆ షోలో ఒక్కొక సెలెబ్రిటీని స్క్రీన్ పైన చూపించి, ఆ సెలెబ్రిటీ గురించి చెప్పండి అని బాలయ్య గారు అడుగుతారు.
స్క్రీన్ పైన బాలీవుడ్ యాక్టర్ రణబీర్ కపూర్ ఫోటో వస్తుంది. అల్లు అర్జున్ మాట్లాడుతూ… రణబీర్ కపూర్ బాలీవుడ్ లోనే ది ఫైనెస్ట్ యాక్టర్. ఈ జనరేషన్ లో వావ్ యాక్టర్ రణబీర్ కపూర్. నా పర్సనల్ ఫేవరేట్ ఆక్టర్ కూడా రణబీర్ కపూర్. నాకు అంత ఇష్టం వెరీ నైస్ పర్సన్ రణబీర్ కపూర్ అని అల్లు అర్జున్ అన్నారు.
అల్లు అర్జున్, రణబీర్ కపూర్ మల్టీస్టారర్ ఫిల్మ్
నందమూరి బాలకృష్ణ మాట్లాడుతూ… నాకు ఒక పర్సనల్ ఫీలింగ్ ఉంది చెప్పనా, ఇప్పుడు నువ్వు రణబీర్ కపూర్ మల్టీస్టారర్ చేస్తే ఎలా ఉంటుంది అమ్మా అని అడుగుతారు. దానికి సమాధానంగా అల్లు అర్జున్ మాట్లాడుతూ… అద్భుతంగా ఉంటుంది సర్ అని అంటారు.
రణబీర్ కపూర్, అల్లు అర్జున్ మల్టీస్టారర్ చేయబోతున్నారు. నేను ఆరు నెలలు టైం ఇస్తున్నాను. ఎవ్వడు కథ రాయకపోతే నేనే రాస్తాను. ఎవ్వడికి ధైర్యం లేకపోతే నేనే డైరెక్షన్ చేస్తాను. నిర్మాతని నువ్వు తెచ్చుకోవమ్మా అని బాలకృష్ణ గారు అడుగుతారు. దానికి సమాధానంగా అల్లు అర్జున్ మాట్లాడుతూ… ఏం ఉంది సర్ నాన్న గారిని తీయమంటాను. అల్లు అరవింద్ గారు పాన్ ఇండియా ప్రొడ్యూసర్ గజిని సినిమా 100 కోట్లు కలెక్ట్ చేసింది అని బాలకృష్ణ గారు అంటారు.
